मोरङ / मोरङको रतुवामाई नगरपालिका –२ डोरियामा करेन्ट लागेर एक जनाको मृत्यु भएको छ ।
मृत्यु हुनेमा रतुवामाई नगरपालिका –२ डोरियाका २१ वर्षीय निरन्जन कुमार सिंह रहेका छन् ।
आज (सोमबार) बिहान साढे ११ बजे घरको टिनको छानोबाट बिजुलीको तार हटाउने क्रममा करेन्ट लागेर सिंह घाईते भएका थिए ।
घाइते सिंहको उपचारको क्रममा दिउसो साढे १२ बजे रंगेली अस्पतालमा मृत्यु भएको जिल्ला प्रहरी कार्यलय सिजुवाले जनाएको छ ।
