काठमाण्डौ// काठमाण्डौमा एक युवकलाई नाङ्गेझार पारेर लुट्ने धरानकी प्रिया गुरुङसहित उनको समुहका ९ जनालाई प्रहरीले पक्राउ गरेको छ।
पक्राउ पर्नेमा सुनसरी धरानकी २२ वर्षीया प्रिया गुरुङ, मोरङको बेलबारी नगरपालिका -४ का २७ वर्षीय यमन राई, दाङको घोराही नगरपालिका -१६ का २१ वर्षीय अनिल मगर रहेका छन्।
त्यसैगरी रुकुमको तकसेरा गाउँपालिका -४ का ३० वर्षीय सूर्य बूढा मगर, सिन्धुपाल्चोकको ठूलो पाखार का २५ वर्षीय विशाल केसी, काभ्रेपलाञ्चोक तामाघाट की २१ वर्षीया पूजा राई, कैलालीको सुखड नगरपालिका -१ की २२ वर्षीया सुषमा कार्की, काभ्रेपलाञ्चोक चौवास की २२ वर्षीया इस्मी कुँवर र काभ्रेपलान्चोक मण्डनदेउपुर नगरपालिका- ४ का ३२ वर्षका सुरज भट्टराईलाई पक्राउ गरिएको प्रहरीले बताएको छ।
टोखा नगरपालिका ९, गोंगबु शिवमन्दिर नजिकै २४ वर्षका अजय रेग्मीलाई कुटपिट गरेर उनले घाँटीमा लगाएको सुनको सिक्री र साथमा रहेको नगद लुटेको उनीहरूमाथि आरोप छ।
गोरखा अजिरकोट गाउँपालिका -४ घर भएका रेग्मी सामाखुसी बस्दै आएका थिए।
‘कसैले छेक्ने, कसैले लुट्ने, कसैले बाटो ढुक्ने र कसैले वातावरण बनाउन उनीहरूको ग्याङ प्रयोग भएको प्रारम्भिक अनुसन्धानका क्रममा देखिएको प्रहरीले बताएको छ।
