झापा / झापाको कनकाई नगरपालिकास्थित विरिङ्ग खोलामा बस दुर्घटना भएको छ । दुर्घटनाबाट एक जनाको मृत्यु भएको छ भने २३ जना घाइते भएका छन् ।
पूर्वबाट पश्चिम तर्फ जाँदै गरेको ना–२ ख–८०४१ नम्बरको बस आज (आइतबार) दिउँसो साढे १२ बजे अनियन्त्रित भइ कनकाई –८ स्थित विरिङ्ग खोलामा दुर्घटना भएको हो ।
दुर्घटनाबाट घाइते भएका नाम नखुलेका २६ वर्षीय पुरुषको उपचारको क्रममा झापाको बिर्तामोडस्थित विर्तासिटी अस्पतालमा मृत्यु भएको इलाका प्रहरी कार्यालय अनारमनीले जनाएको छ । मृतकको सनाखत भने भएको छैन् ।
घाइतेहरुमध्ये १२ जनाको बिर्तासिटी अस्पताल र ११ जनाको बिर्तामोडस्थित बीएण्डसी अस्पतालमा उपचार भइरहेको प्रहरीले जनाएको छ ।
बस चालक सुनसरीको बराहा नगरपालिका –३ का ३२ वर्षीय बाबुराम कार्कीलाइ इलाका प्रहरी कार्यलय अनारमनीले नियन्त्रणमा लिएको छ ।
