जाजरकोट / जाजरकोटमा बस दुर्घटना हुँदा पाँच जनाको मृत्यु भएको छ भने २५ जना घाइते भएका छन् ।
मृत्यु हुनेमा जाजरकोटको नलगाड नगरपालिका –१० का शेरबहादुर परियार, कुशे गाउँपालिका –९ की १८ वर्षीया अनिला नेपाली, रुकुम पश्चिमको आठविसकोट नगरपालिका –५ की २४ वर्षीय सन्ध्या मल्ल शाही, उनकी चार वर्षीय छोरी दिव्या शाही र सप्तरीका ४० वर्षीया गंगाराम यादव रहेका छन्।
नेपालगञ्जबाट जाजरकोटको कालीमाटीतर्फ जाँदै गरेको ना६ख २७५७ नम्बरको बस आज बिहान साढे २ बजेतिर जाजरकोटको भेरी नगरपालिका –१३ बराहचौर भन्ने स्थानमा दुर्घटना भएको हो ।
बस सडकबाट २ सय मिटर तल खसेको थियो । दुर्घटनामा परी २८ जना घाइते भएका जिल्ला प्रहरी कार्यालय जाजरकोटका डीएसपी मधुकुमार थापाले जानकारी दिए ।
घाइतेहरूको जिल्ला अस्पताल जाजरकोटमा उपचार भइरहेको छ । घाइते मध्ये तीन जनाको अवस्था भने गम्भीर भएका कारण उनीहरूलाई थप उपचारकालागि नेपालगञ्ज रिफर गरिएको जिल्ला प्रहरी कार्यालय जाजरकोटले जनाएको छ ।
