बिर्तामोड / त्रिभुवन अन्तराष्ट्रिय विमानस्थलबाट सुनसहित एक जना पक्राउ परेका छन् । पक्राउ पर्नेमा ताप्लेजुङ लिङखिम–७ स्थायी घर भएका २२ वर्षीय जीवन लिम्बू रहेका छन् ।
प्रहरीले उनलाई विमानस्थलबाट एउटा बाला र दुई वटा औँठीसहित पक्राउ गरेको हो । उनी नेपाल एयरलाइन्समार्फत कतारको दोहाबाट काठमाडौं आउने क्रममा पक्राउ परेका हुन् ।
विमानस्थलमा चेकजाँचका क्रममा इमर्जेन्सी लाइटभित्र फल्स बटम बनाई सुन ल्याएको अवस्थामा उनलाई पक्राउ गरिएको विमानस्थल प्रहरीले जानकारी गराएको छ ।
