बिर्तामोड / झापाको कन्काइबाट लागूऔषध सहित प्रहरीले एक जनालाई पक्राउ गरेको छ । पक्राउ पर्नेमा कन्काई नगरपालिका –३ का २८ वर्षीय सुप्रकाश राई रहेका छन् ।
उनलाई हिजो साँझ छ बजे जिल्ला प्रहरी कार्यालय झापा र लागू औषध ब्युरो काँकरभिट्टाबाट खटिएको टोलीले खैरो हिरोईनसहित पक्राउ गरेको हो ।
पक्राउ परेका राईको साथबाट प्रहरीले पाँच ग्राम खैरो हिरोइन बरामद गरेको जिल्ला प्रहरी कार्यालय झापाले जनाएको छ ।
