उदयपुर / उदयपुरमा मोटरसाइकलको ठक्करबाट एक वृद्धाको मृत्यु भएको छ । मृत्यु हुनेमा बेलका नगरपालिका –५ की ७० वर्षीया इच्छा कुमारी राई रहेकी छिन् ।
शनिबार बेलुका साढे ६ बजे पूर्वबाट पश्चिम तर्फ जाँदै गरेको को ३४ प २०३७ नम्बरको मोटरसाइकलको ठक्करबाट राई गम्भिर घाईते भएकी थिइन् ।
घाइते राईको धरान घोपामा उपचारको क्रममा शनिबार राती साढे ९ बजे मृत्यु भएको जिल्ला प्रहरी कार्यालय उदयपुरले जनाएको छ ।
सो दुर्घटनाबाट मोटरसाइकल चालक सप्तरी सप्तकोसी नगरपालिका –१ का ३५ वर्षीय आलोक राई समेत घाईते भएका छन् । उनको सोही अस्पतालमानै उपचार भइरहेको छ ।
