उदयपुर / उदयपुरको उदयपुरगढी गाउपालिका –७ स्थित गाईघाट–कटारी सडकखण्डमा ट्रक दुर्घटना २४ प्रहरी घाइते भएका छन् ।
शुक्रबार राती करिब ९ बजेको समयमा कटारीबाट गाईघाट तर्फ आउँदै गरेको प्रहरी कार्यालयको बा १ ग २१६७ नम्बरको ट्रकको ब्रेक फेल भई दुर्घटना भएको हो ।
दुर्घटनापछि घाइते प्रहरीहरूको उद्धारगरी उपचारका लागि विराटनगर पठाइएको जिल्ला प्रहरी कार्यालय उदयपुरका प्रवक्ता डीएसपी वेद प्रसाद गौतमले जानकारी दिए ।
घाइते प्रहरीहरूको नोवेल अस्पताल विराटनगरमा उपचारमा भइरहेको बताइएको छ । घाइतेहरू मध्ये दुई जनाको अवस्था चिन्ताजनक र अन्यको अवस्था सामान्य रहेको जनाइएको छ ।
