रौतहट / रौतहटको कटहरिया बजारमा हावा भर्ने ट्यांकि पड्किएर शुक्रबार एक जनाको मृत्यु भएको छ भने एक जना घाइते भएका छन् ।
मृत्यु हुनेमा ग्यारेज सञ्चालक कटहरिया नगरपालिका –५ का २० वर्षीय समसुल मियाँ रहेका छन्।
पड्केको ट्याङ्कीको फलामको टुक्राले लागेर समसुलको टाउकोमा लाग्दा उनी घाइते भएका थिए । घाइते मियाँको उपचारका लागि वीरगञ्ज लैजाने क्रममा बाटोमै मृत्यु भएको इलाका प्रहरी कार्यालय कटहरियाका सइ बिरेन्द्र यादवले जानकारी दिए ।
मृतक समसुलसँगै ग्यारेजमा बसिरहेका स्थानीय २५ वर्षीय जैसी यादव सामान्य घाइते भएका छन् । उनको दाहिने हातमा चोट लागेको छ । घाइते यादवको स्थानीय अस्पतालमा उपचार भइरहेको बताइएको छ ।
सञ्चालक मियाँले पम्पसेट चलाएर ट्यांकी हावा भरिरहेको अवस्थामा हावा बढी भएर पड्किएको हुनसक्ने अनुमान गरिएको छ ।
