सुनसरी / सुनसरीको देवानगन्ज गाउँपालिका –४ बाट ठुलो परिणामको गाजा सहित प्रहरीले एक जनालाई पक्राउ गरेको छ ।
बुधवार दिउँसो देवानगंज स्थित सिमा क्षेत्रमा इलाका प्रहरी कार्यालय देवानगंजबाट खटिएको चेकिङ टोलीले प्रदेश –१–०४–००१ त ०६६६ नम्बरको ट्याक्टर चेकजाँच गर्ने क्रममा उक्त ट्याक्टरमा १८० केजी गाँजा फेला परेको थियो ।
चेकजाँच हुने क्रममा ट्याक्टर चालक फरार भएका थिए भने उक्त ट्याक्टरलाई को २९ प ८४८६ नम्बरको मोटरसाइकलले स्कटिङ गर्ने देवानगंज गाउँपालिका –५ का २५ वर्षीय सन्तोष कुमार मेहेता पक्राउ हुन् ।
फरार भएका चालकको खोजतलास भइरहेको छ भने बरामद भएको गाँजा, ट्याक्टर र मोटरसाइकल समेत नियन्त्रणमा लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।
