झापा / झापाको शिबसताक्षी नगरपालिका –१० माइधार चौक नजिक भित्रीसडक खण्डमा स्कारपियको ठक्करबाट पैदल यात्रीको मृत्यु भएको छ । मृत्यु हुनेमा सोही स्थानकी ७२ वर्षीया ललिता कटवाल रहेकी छन् ।
आज (सोमबार) बिहान सँवा ११ बजे दक्षिणबाट उत्तर तर्फ आउदै गरेको को १ च ७४१६ नम्बरको स्कारपियोले पैदल यात्री कटवाललाई ठक्कर दिँदा उनको घटनास्थालमानै मृत्यु भएको हो ।
स्कारपियो र चालक इलाम देउमाई नगरपालिका –३ का ३२ वर्षीय पूर्ण खतिवडा अस्थाई प्रहरी पोष्ट माईधारको नियन्त्रणमा रहेका छन् ।
मृतकको कानुनी प्रकृया पुरा पोस्टमार्टमको लागी दमक अस्पताल पठाइएको इलाका प्रहरी कार्यालय झिलझिलेले जनाएको छ ।
