पोखरा //पोखरामा एमबिबिएस अध्ययनरत एक विद्यार्थीको खोलामा पौडी खेल्ने क्रममा डुबेर मृत्यु भएको छ।
भारत राजस्थान घर भई हाल गण्डकी मेडिकल कलेजमा एमबिबिएस प्रथम वर्षमा अध्ययनरत २२ वर्षीय विश्वास पुनीको मृत्यु भएको हो।
कास्कीको पोखरा –१७ फुस्रे खोलामा पौडी खेल्दै गर्दा बेपत्ता भएका विश्वासलाई प्रहरी टोलीले खोजी गर्ने क्रममा १० मिटर तल फेला पारेको थियो ।
तत्कालै उनलाई उद्धार गरी उपचारका लागि गण्डकी मेडिकल कलेजमा पठाईएकोमा उपचारको क्रममा चिकित्सकले मृतक घोषित गरेको प्रहरीले जानकारी गराएको छ ।
