मुस्ताङ / मुस्ताङको कोबाङ क्षेत्रमा पर्ने मानापाथी हिमालमा आइतबार दिउँसो हिमपहिरो गएको छ ।
हिमपहिरो खसेपछि भागदौड गर्दा थासाङ गाउँपालिका –२ को जनआदर्श माविका ९ जना शिक्षक र विद्यार्थी घाइते भएका छन् ।
हिमपहिरो खसेपछि त्यसको असरबाट जोगिन भागदौड हुँदा ९ जना सामान्य घाइते भएका र उनीहरूलाई जिल्ला अस्पतालतर्फ ल्याइएको मुस्ताङका प्रहरी प्रमुख डीएसपी रामकुमार दानीले जानकारी दिए ।
दानीका अनुसार हिमपहिरोका कारण कति क्षति भयो भन्ने अहिलेसम्म पुष्टि भने भएको छैन ।
