काठमाडौँ / काठमाडौँको थापाथलीबाट एयर गनसहित प्रहरीले एक जनालाई पक्राउ गरेको छ ।
पक्राउ पर्नेमा काठमाडौँ महानगरपालिका –११ थापाथलीमा डेरा बस्ने कैलालीका २१ वर्षीय जितेन्द्र नाथ रहेका छन् ।
नाथले कोठामा अवैध हातहतियार लुकाई राखेको भन्ने सूचनाको आधारमा महानगरीय प्रहरी प्रभाग कोटेश्वरबाट खटिएको प्रहरी टोलीले उनलाई सोमबार साँझ पक्राउ गरेको हो ।
पक्राउ परेका नाथको साथबाट प्रहरीले एक थान एयर गन बरामद गरेको छ । पक्राउ परेका नाथमाथि थप अनुसन्धान भइरहेको प्रहरीले जनाएको छ ।
