रौतहट / रौतहटको चन्द्रनिगाहपुर गौर सडकखण्ड अन्तर्गत झुन्खुनवा चोक नजिक शनिवार राति कार दुर्घटना हुँदा चार जनाको मृत्यु छ ।
मृत्यु हुनेमा भारत विहार राज्यको पूर्वी चम्पारण जिल्लाको पताही थाना बेतौनाका २५ वर्षीय दिनानाथ साह, ३० वर्षीय अरुण साह, २८ वर्षीय दिलिप महतो र २७ वर्षीय अमित महतो रहेका छन् ।
झुन्खुनवाबाट गौर तर्फ जाँदै गरेका युके १२ सि २९०० भारतीय नम्बरको स्वीफ्ट कार गए राति ९ बजे अनियन्त्रित भई दुर्घटना हुँदा सवार चारैजनाको मृत्यु भएको थियो ।
मदिरा सेवनगरि तीब्र गतिमा चलाएको कार अनियन्त्रित भई सडक भन्दा २० मिटर छेउमै रहेको ठुलो खाडलमा खसेको थियो ।
मृतकको पहिचानको लागि भारतीय प्रहरीलाई तस्वीर सहितको म्यासेज पठाएपछि उनीहरूको परिवारजन आएर सनाखत भएको प्रहरी उपरीक्षक घिमिरेले जानकारी दिए ।
स्थानीय देवाही गोनाही नगरपालिका –४ स्थित भिनाजु नरेश साहको घरमा छठको पर्साद पुर्याउन आएका चारैजनाले मदिरा सेवन गरेर गाडी चलाएकाले दुर्घटना भएको पीडित परिवारको भनाइ रहेको छ ।
