लभडाँडामा मोटरसाइकल दुर्घटना हुँदा चालकको मृत्यु
झापा पूर्वपश्चिम राजमार्गअन्तर्गत झापाको कमल गाउँपालिका – ५ लभडाँडामा मोटरसाइकल दुर्घटना हुँदा एक जनाको मृत्यु भएको छ ।
प्रदेश १– ०२ –०४१ प २००० नम्बरको मोटरसाइकल गएराति पौने १ बजे अनियन्त्रित भएर पल्टिंदा मोटरसाइकल चालक स्थानीय २४ वर्षीय डिल्लीराम शाहीको मृत्यु भएको हो ।
शाहीको दमक अस्पतालमा उपचारको क्रममा राति २ बजे मृत्यु भएको इलाका प्रहरी कार्यालय दमकले जनाएको छ ।
दुर्घटनामा मोटरसाइकलको पछाडि सवार सुनसरीको इटहरी उपमहानगरपालिका – २० का २५ वर्षीय रुपम तामाङ घाइते भएका छन् । घटनाको विषयमा थप अनुसन्धान भइरहेको प्रहरी स्रोतले जानकारी दिएको छ ।
