धनगढी / कैलालीमा चक्कु प्रहार गरी युवकको हत्या गर्ने चार जनालाई प्रहरीले पक्राउ गरेको छ ।
हिजो (मंगलबार) राति टीकापुर नगरपालिका –१ स्थित सिद्धार्थ होटल नजिकै दुई समुहबीचको भएको झडपमा चक्कु प्रहार गरेर लम्कीचुहा नगरपालिका –१ का भुपेन्द्र बडुवालको हत्या गरिएको प्रहरीले जनाएको छ ।
पूर्व रिसिबीलाई लिएर दुवै समुहबीच भएको झडपमा बडुवालको चक्कु प्रहार गरेर हत्या गरिएको इलाका प्रहरी कार्यालय टीकापुरका प्रमुख प्रहरी नायब उपरीक्षक प्रकाश सापकोटाले जानकारी दिए ।
युवकको हत्यामा संलग्न भएको आशङ्कामा अनुसन्धानका लागि चार जनालाई नियन्त्रणमा लिइएको जानकारी दिए ।
