विराटनगर / मोरङ कारागार भित्र कैदीबन्दीहरूबीच झडप भएको छ । चौकीदार किरण गुरुङले कैदीबन्दीहरू माथि यातना दिएको भन्दै मंगलबार १० बजे कारागार भित्र दोहोरो झडप भएको हो ।
झडपका क्रममा चौकीदार गुरूङ सहित ६ जना घाइते भएका छन् । घाइते हुनेमा शेखर राई, निर्मल ढकाल, विशाल मुक्ताङ, डिल्ली देवान र सूर्यदीप गुप्ता रहेका छन् ।
ज्यान मार्ने उद्योगका कैदी कार्तिक कामतको समूहले चौकीदार गुरुङ प्रशासन विरुद्ध विद्रोह गरेपछि झडप भएको थियो ।
झडपमा घाइते हुने कैदीबन्दीहरूलाई सामान्य चोटपटक लागेकाले उपचारको लागि कोशी अस्पताल लगिएको कारागारका निमित्त प्रमुख रामप्रसाद पोखरेलले जानकारी दिए ।
