सिन्धुपाल्चोक / सिन्धुपाल्चोकको हेलम्बुमा पसलेको हत्या गरेर भागेका दुई जनालाई प्रहरीले काठमाडौँबाट पक्राउ गरेको हो । पक्राउ पर्नेमा हेलम्बु गाउँपालिका –१ का १९ वर्षीय तेन्जिङ लामा र ३० वर्षीय दावा दोर्जे लामा रहेका छन् ।
तेन्जिङ र दोर्जेले गत कार्तिक १८ गते सिन्धुपाल्चोकको हेलम्बु गाउँपालिका –१ स्थित खार्चुङमा किराना पसल चलाउँदै आएका ७३ वर्षीय केर्साङ्ग लामाको हत्या गरेका थिए । केर्साङ्गको हत्यापछि उनीहरूले एक लाख ५० हजार नगद, रिचार्जकार्ड र थाङ्का लुटेर भागेका थिए ।
केर्साङ्ग लामाको हत्यामा संलग्न दुवै जनालाई प्रहरीले काठमाडौँबाट पक्राउ गरिएको महानगरीय प्रहरी परिसर काठमाडौँका एसपी रमेश कुमार बस्नेतले जानकारी दिए ।
