दाङ / दाङको गढवा गाउँपालिका –६ बालापुरका ६० वर्षीय दानबहादुर थापाले श्रीमतीको हत्या गरेका छन् ।
५० वर्षीया श्रीमती सुनिता रोकालाई लाठी प्रहार गरी हत्या गरेको जिल्ला प्रहरी कार्यालयले दाङले जनाएको छ ।
थापाले मदिरा सेवन गरेर श्रीमतीलाई लाठीले टाउको तथा घाँटीमा हिर्काएका थिए । दानबहादुरको लाठी प्रहार पश्चात सुनिताको घटनास्थलमै मृत्यु भएको प्रहरीले जनाएको छ ।
सुनिता थापाकी कान्छी श्रीमती हुन् । हत्याका आरोपित थापा भने फरार रहेको र खोजी थालिएको प्रहरीले जनाएको छ ।
