कपिलवस्तु / कपिलवस्तुको मायादेवी गाउँपालिका –८ स्थित बिजुवा चोकबाट पेस्तोल र लागूऔषध सहित प्रहरीले एक जनालाई पक्राउ गरको छ ।
पक्राउ पर्नेमा मायादेवी गाउँपालिका –६ डुमराका २२ वर्षीय फेराज अहमद मुसलमान रहेका छन् ।
प्रहरीले उनलाई चाकरचौडाबाट पकडीतार्फ आउँदै गर्दा पक्राउ गरेको जिल्ला प्रहरी कार्यालय कपिलवस्तुका प्रवक्ता (डिएसपी) धर्मराज भण्डारीले बताए ।
प्रहरीले पक्राउ परेका साथबाट ४२ चक्की स्पास्मो, २१ चक्की नाइट्राजेपाम, १ थान पेस्तोल र २८ वटा कार्टिज बरामद गरेको छ ।
