मोरङ / मोरङको रंगेली नगरपालिका –८ दर्बेशा चौकमा ट्रकको ठक्करबाट पैदल यात्रीको मृत्यु भएको छ । मृत्यु हुनेमा सोही स्थानका २८ वर्षीय शनि राजवंशी रहेका छन् ।
आज बिहान साढे ६ बजे दक्षिण तर्फ आउँदै गरेको मे१ख २२९१ नम्बरको मिनी ट्रकले ठक्कर दिई घाईते भएका राजवंशीको उपचारको लागी रंगेली अस्पताल लाने क्रममा बाटैमा मृत्यु भएको थियो ।
ठक्कर दिने ट्रक र ट्रक चालक मोरङ कानेपोखरी गाउँपालिका –६ का ३२ वर्षीय जितेन्द्र राजवंशी इलाका प्रहरी कार्यालय रङ्गेलीको नियन्त्रणमा रहेको छ ।
