बिर्तामोड / झापाको कन्काई नगरपालिका –१ मा एक जना पुरूष मृत फेला परेका छन्।
घर निर्माणमा कार्यरत सोही ठाउँका ४८ वर्षीय बेनुप्रसाद उप्रेती आज बिहान खेतको खोल्सीमा मृत फेला परेको इलाका प्रहरी कार्यालय सुरुङ्गाले जनाएको छ।
प्रहरीका अनुसार हिजो दिउँसो ३ बजेदेखि बेपत्ता भएका उप्रेती घर नजिकैको खोल्सीमा आज बिहान मृत फेला परेका थिए।
माछा मार्न भन्दै घरबाट हिँडेका उप्रेतीको करेन्ट लगाएर माछा मार्ने क्रममा मृत्यु भएको हुनसक्ने स्थानीयबासीले आशंका गरेका छन्।
