काठमाडौँ / देशका विभिन्न स्थानबाट जुवातास खेलिरहेको अवस्थामा २९ जना पक्राउ परेका छन् ।
भक्तपुर नगरपालिका –७ गोल्मढी बस्ने ३८ वर्षीय राजेश खयामलीको किराना पसलमा तास खेलिरहेको अवस्थामा राजेश लगायत ४ जनालाई सोमबार राति प्रहरीले पक्राउ गरेको छ ।
महानगरीय प्रहरी परिसर भक्तपुरबाट खटिएको प्रहरीले उनीहरूलाई नगद ६९ हजार ७ सय ५० रुपैयाँ र ३ बुक तास सहित पक्राउ गरेको हो ।
तनहुँको शुक्लागण्डकी नगरपालिका –४ दुलेगौडा भिमसेन चोकस्थित थकाली भान्सा घरमा तास खेलिरहेको अवस्थामा सोही नगरपालिका –९ बस्ने ४० वर्षीय सूर्य बहादुर विक लगायत ५ जनालाई प्रहरीले पक्राउ गरेको छ ।
सोमबार दिउँसो ईलाका प्रहरी कार्यालय बेलचौताराबाट खटिएको प्रहरीले उनीहरुलाई नगद ५८ हजार ४ सय ९५ रुपैयाँ र १ बुक तास सहित पक्राउ गरेको हो ।
यस्तै, नवलपरासी (पूर्व), गैंडाकोट नगरपालिका –१० भैसाखोरी बस्ने ४७ वर्षीय डिल्लीराम सापकोटाको सापकोटा न्यू तन्दुरी होटल एण्ड रेष्टुरेन्टमा तास खेलिरहेको अवस्थामा डिल्लीराम लगायत ६ जनालाई प्रहरीले पक्राउ गरेको छ ।
उक्त रेष्टुरेन्टमा जुवातास खेलिरहेको अवस्थामा इलाका प्रहरी कार्यालय गैंडाकोट र अस्थाई प्रहरी पोष्ट बेल्डिहाबाट खटिएको प्रहरीले उनीहरूलाई नगद १ लाख २५ हजार ३५ रुपैयाँ र १ बुक तास सहित सोमबार राति पक्राउ गरेको हो
कञ्चनपुरको कृष्णपुर नगरपालिका –५ गुलरिया बस्ने ४० वर्षीय भिम बहादुर बोहराको घरमा तास खेलिरहेको अवस्थामा बोहरा लगायत १४ जनालाई सोमबार राति प्रहरीले पक्राउ गरेको छ ।
इलाका प्रहरी कार्यालय गुलरियाबाट खटिएको प्रहरीले उनीहरूलाई नगद ९३ हजार १ सय ८५ रुपैयाँ र ३ बुक तास सहित पक्राउ गरेको हो ।
