झापा / झापाको अर्जुनधारा नगरपालिका –११ सालबारी स्थित चारआली शनिश्चरे सडक खण्डमा मोटरसाइकल दुर्घटना हुँदा एक जनाको मृत्यु भएको छ ।
मृत्यु हुनेमा मोटरसाइकल चालक सोही स्थानका १८ वर्षीय कुशल दास रहेका छन् । हिजो राती साढे ९ बजे पश्चिम तर्फ जाँदै गरेको प्र १–०१–०१२ प ४३७४ नम्बरको मोटरसाइकल आफै अनियन्त्रित भई कलवटमा ठोकिएर दुर्घटना भएको थियो ।
घटनाको जानकारी पाए लगतै अस्थाई प्रहरी पोष्ट फूलबारीबाट खटिएको प्रहरी टोलीले पानीमा डुबेर बेहोस भएका दासलाई उपचारको लागी मनमोहन अस्पताल बिर्तामोड पठाइएको थियो ।
दासको अस्पताल पुर्याउन साथ उनको मृत्यु भएको इलाका प्रहरी कार्यालय बिर्तामोडले जनाएको छ ।
