बाँके / बाँकेबाट चितुवाको छाला र हड्डीसहित प्रहरीले तीन जनालाई पक्राउ गरेको छ ।
पक्राउ पर्नेमा सुर्खेत पञ्चपुरी नगरपालिका –७ का २४ वर्षीय रमेश वयक, २८ वर्षीय वसन्त बिसी र बाँके राप्ती सोनारी गाउँपालिका –९ का ३५ वर्षीय हिरासिंह विक रहेका छन्।
शुक्रबार बेलुका इलाका प्रहरी कार्यालय कोहलपुरको टोलीले उनीहरूलाई कोहलपुर –११ स्थित सागर गेस्ट हाउसको कोठाबाट पक्राउ गरेको हो।
पक्राउ परेकाहरूको साथबाट प्रहरीले एक थान चितुवाको छाला र एक किलो ४० ग्राम हड्डी बरामद गरेको प्रहरी नायब उपरीक्षक रविन्द्र खनालले जानकारी दिए ।
