कैलाली / कैलालीमा चक्कु प्रहार गरी किशोरको हत्या गर्ने एक जनालाई प्रहरीले पक्राउ गरेको छ । पक्राउ पर्नेमा भजनी नगरपालिका –३ का १८ वर्षीय किरण साउद रहेका छन् ।
किरणले शुक्रबार राती टीकापुर नगरपालिका –८ कालीमाटीका १८ वर्षीय अनुप साउदको चक्कु प्रहार गरी हत्या गरेको जिल्ला प्रहरी कार्यालय कैलालीका प्रमुख, प्रहरी उपरीक्षक (एसपी) विश्व अधिकारीले जानकारी दिए ।
एसपी अधिकारीका अनुसार चक्कु प्रहारबाट गम्भीर घाइते भएका अनुपको उपचारका क्रममा शुक्रबार राति नै टीकापुर अस्पतालमा मृत्यु भएको हो ।
चक्कु प्रहार गरेर फरार भएका किरणलाई इलाका प्रहरी कार्यालय टीकापुरको टोलीले नियन्त्रणमा लिएर अनुसन्धान गरिरहेको छ ।
