गौरादह / झापाको गौरादहमा मोटरसाइकल दुर्घटनाबाट एक जनाको मृत्यु भएको छ भने दुई जना घाइते भएका छन् । मृत्यु हुनेमा गौरादह –५ का ४० वर्षीय वेणु अधिकारी रहेका छन् ।
शुक्रबार बिहान पूर्व देखि पश्चिम तर्फ जाँदै गरेको मे ९ प २७०३ नम्बरको मोटरसाइकल र विपरीत दिशाबाट आउँदै गरेको मे ६ प ५४१६ नम्बरको मोटरसाइकल एक आपसमा ठोकिँदा दुर्घटना भएको हो ।
दुर्घटनाबाट मे ९ प २७०३ को मोटरसाइकलका चालक अधिकारीको मृत्यु भएको हो। त्यस्तै गौरादह ५ चप्रामारीका ३० वर्षीय अनुप राजवंशी र १६ वर्षीय ललित शर्मा घाइते छन्।
घाइते राजवंशी र शर्माको न्युरो अस्पताल विराटनगरमा उपचार भइरहेको जिल्ला प्रहरी कार्यालय झापाले जनाएको छ ।
