बिर्तामोड / झापाको बुद्धशान्ति गाउँपालिका –३ स्थित बुधबारेबाट प्रहरीले ब्राउन सुगर सहित ३ जनालाई पक्राउ गरेको छ ।
पक्राउ पर्नेमा पाँचथरको फिदिम नगरपालिका –२ का २३ वर्षीय युरास ईवा लिम्बु, याङवरक गाउँपालिका –२ बेतेनी घर भई हाल झापा अर्जुनधारा नगरपालिका –११ बस्ने २५ बर्षीय उमेश बि.क. र ईलामको कोल्बुङ गाउँपालिका –२ कुटि डाँडाका २३ वर्षीय सुलभ गुरुङ रहेका छन् ।
बुधबार बेलुका साढे ७ बजे इलाका प्रहरी कार्यालय बुधबारेबाट खटिएको प्रहरी टोलीले उनिहरुलाई ब्राउन सुगर १० ग्राम २० मिलि ग्राम र गाँजा ११ ग्राम ५० मिलि ग्राम सहित पक्राउ गरेको हो ।
