मोरङ / मोरङको रतुवामाई नगरपालिका –३ छालगाछीबाट प्रहरीले ९४ तोला चाँदी सहित एक जनालाई पक्राउ गरेको छ । पक्राउ पर्नेमा सोही स्थानका ३० वर्षीय धर्बेन्द्र शर्मा रहेका छन् ।
हिजो (मंलबार) बेलुका साढे ७ बजे प्रहरी चौकी महादेवाबाट खटिएको प्रहरी टोलीले बिल नभएको तार बनाई ल्याएको ९४ तोला चाँदी सहित शर्मालाई पक्राउ गरेको हो ।
पक्राउ परेका शर्मालाई आवश्यक कारबाहीको लागी मूल भन्सार कार्यालय रानी विराटनगर पठाउने तयारी भइरहेको इलाका प्रहरी कार्यालय सिजुवाले जनाएको छ ।
