बिर्तामोड / झापाको कनकाई नगरपालिका –९ स्थित लक्ष्मीपुर सडकखण्डमा भएको सवारी दुर्घटनामा परी एक जनाको मृत्यु भएको छ । मृत्यु हुनेमा अर्जुनधारा नगरपालिका –३ का २७ वर्षीय निश्चल खनाल रहेका छन् ।
शनिबार साँझ पूर्वबाट पश्चिमतर्फ आउँदै गरेको प्र१–०१–००१ख ३५२० नम्बरको ट्रक र विपरीत दिशातर्फ गइरहेको मे ५ प ८४७२ नम्बरको मोटरसाइकल आपसमा ठोकिएर दुर्घटना भएको हो ।
दुर्घटनाबाट गम्भीर घाइते भएका मोटरसाइकल चालक खनालको उपचारको क्रममा बिर्तामोडस्थित बीएण्डसी अस्पतालमा मृत्यु भएको जिल्ला प्रहरी कार्यालयले झापाले जनाएको छ ।
