विराटनगर / इटहरीका एक व्यक्ति कोसी नदीमा हामफालेर आत्महत्या गरेका छन् । इटहरीका ५८ वर्षीय तिलक प्रसाद दाहालले कोसी ब्यारेजको १३ नम्बर गेट नजिकैबाट हामफालेका हुन् ।
उनी हामफालेको ठाउँमा प ९२५५ नम्बरको मोटरसाइकल, चप्पल र पर्स भेटिएको प्रहरीले जनाएको छ । प्रहरीका अनुसार ५८ वर्षका तिलक प्रसाद दाहाल नाम गरेको परिचय कार्ड पनि फेला परेको छ ।
प्रहरीले बोटको सहायताले दाहालकाे शव नदीमा खोजी गरिरहेको प्रदेश प्रहरी कार्यालय विराटनगरले जनाएको छ ।
