बिर्तामोड / झापा र सुनसरीबाट ब्राउन सुगर सहित प्रहरीले ३ जनालाई पक्राउ गरेको छ ।
पक्राउ पर्नेमा झापाको दमक नगरपालिका –१९ का २६ वर्षीय खगेन्द्र नेपाली, सुनसरी धरान उपमहानगरपालिका –८ का ३५ वर्षीय विमल भुजेल र मोरङ कानेपोखरी गाउँपालिका –४ का २६ वर्षीय नारायण मगर रहेका छन् ।
बिहीबार बेलुका साढे ५ बजे इलाका प्रहरी कार्यालय काँकडभिट्टा र लागूऔषध नियन्त्रण ब्युरो काँकडभिट्टाबाट खटिएको प्रहरी टोलीले नेपालीलाई मेचीनगर नगरपालिका –६ स्थित मेची पुलबाट ब्राउन सुगर ७ ग्राम सहित पक्राउ गरेको हो ।
त्यस्तै बिहीबार नै सोही समयमा अस्थाई प्रहरी पोष्ट बरगाछीबाट खटिएको प्रहरी टोलीले भुजेल र मगरलाई धरान उपमहानगरपालिका –८ अटल पम्प कम्पाउन्ड भित्रबाट ब्राउन सुगर ३ ग्राम सहित पक्राउ गरेको हो ।
