सुनसरी / सुनसरीको कोशी गाउँपालिका –८ भन्टाबारीमा स्कुटी दुर्घटना हुँदा एक जनाको मृत्यु भएको छ । मृत्यु हुनेमा झापाको दमक नगरपालिका –१ की २६ वर्षीया सासा लिम्बू रहेकी छन् ।
बिहिबार राती ११ बजे पूर्वबाट पश्चिम तर्फ जाँदै गरेको ON TEST स्कुटी अनियन्त्रित भई दुर्घटना भएको जिल्ला प्रहरी कार्यालय सुनसरीले जनाएको छ ।
दुर्घटनाबाट गम्भिर घाइते भएकी लिम्बुको न्युरो अस्पताल विराटनगरमा उपचारको क्रममा आज बिहान सवा ३ बजे मृत्यु भएको हो ।
सो दुर्घटनामा स्कुटी पछाडि सवार रहेकी झापा बुद्धशान्ति गाउँपालिका –१ की २७ वर्षीया रेनु गुरुङ भने सामान्य रहेको जिल्ला प्रहरी कार्यालय सुनसरीले जनाएको छ ।
