धरान / सुनसरीको बराहक्षेत्र नगरपालिका –३ बाङ्गेमा कार दुर्घटनाबाट चालकको मृत्यु भएको छ । मृत्यु हुनेका बराहक्षेत्र नगरपालिका –६ चक्रघट्टीका ४० वर्षीय कृष्ण प्रसाद दाहाल रहेका छन् ।
हिजो बेलुका पौने ८ बजे कालाबञ्जर देखि चक्रघट्टी तर्फ आउँदै गरेको ‘अन टेस्ट’ कार बाङ्गेको भित्री सडक खण्डमा आफै अनियन्त्रित भई पल्टिएर दुर्घटना भएको थियो ।
दुर्घटनाबाट गम्भिर घाइते भएका दाहालको उपचारको क्रममा स्थानीय नगर अस्पताल चक्रघट्टीमा मृत्यु भएको अस्थाई प्रहरी पोष्ट बाङगेले जनाएको छ ।
