कैलाली / अविरल बर्षासँगै आएको पहिरोमा पुरिएर डडेल्धुरामा एक जनाको मृत्यु भएको छ ।
मृत्यु हुनेमा गन्यापधुरा गाउँपालिका –१ भात्काडाका ३२ वर्षीय विष्णु अवस्थी रहेका छन् । घरमाथिबाट आएको पहिरोमा पुरिएर उनको मृत्यु भएको प्रदेश प्रहरी कार्यालय धनगढीले जनाएको छ।
त्यस्तै अमरगढी नगरपालिका –१ मा गएको पहिरोमा परी २ जना घाइते भएका छन्। उनीहरूको डडेल्धुरा अस्पतालमा उपचार भइरहेको प्रदेश प्रहरी कार्यालयका प्रहरी वरिष्ठ उपरीक्षक (एसएसपी) बिक्रम चन्दले जानकारी दिए ।
