काठमाडौं / काठमाडौंको चन्द्रागिरी नगरपालिका –२ स्थित पिपलामोडमा ग्यास सिलिण्डर बोकेको ट्रक दुर्घटना भएको छ ।
ग्यास सिलिण्डर बोकेको ना ७ ख ३९४९ नम्बरको ट्रक पिपलामोड र ढलानको बीचमा गएराति १२ बजेतिर दुर्घटना भएको हो ।
ट्रक दुर्घटना हुँदा बाटोभरि ग्यास सिलिन्डरहरू छरिएका कारण राति दुईतर्फी आवत–जावत बन्द भएको थियो । ट्राफिक प्रहरीको र्याकरले ट्रकलाई हटाउन नसकेपछि यान्त्रिक कार्यालयको र्याकर मगाएर ट्रकलाई हटाइएको छ ।
आज बिहान ६ बजेर १० मिनेटदेखि दुईतर्फी नै राजमार्ग खुलेको ट्राफिक प्रहरी प्रवक्ता एवम् प्रहरी उपरीक्षक सन्जिब शर्मा दासले जानकारी दिए ।
