बिर्तामोड / झापाको बिर्तामोडबाट प्रहरीले ब्राउन सुगर सहित एक जनालाई पक्राउ गरेको छ ।
पक्राउ पर्नेमा बिर्तामोड नगरपालिका –९ स्थित ऋद्धिसिद्धि पलाई फ्याक्ट्री छेउ बस्ने ३४ वर्षीय जगदिश ओली रहेका छन् ।
सोमबार बेलुका ७ बजे प्रहरी चौकी बिर्ताबजारबाट खटिएको प्रहरी टोलीले ओलीलाई पक्राउ गरेको हो । पक्राउ परेका ओलीको साथबाट प्रहरीले डिजिटल तराजु र ९ ग्राम ब्राउन सुगर बरामद गरेको छ ।
