नुवाकोट / नुवाकोटको किस्पाङमा बस दुर्घटना हुँदा ३० जना घाइते भएका छन् ।
भाल्चेबाट काठमाडौं जाँदै गरेको बा४ख ५७६२ नम्बरको बस किस्पाङ –५ स्थित मानेगाउँमा दुर्घटना भएको नुवाकोटका प्रहरी प्रवक्ता हरिबहादुर ओलीले जानकारी दिए ।
दुर्घटनामा परी घाइते भएका ३० जनालाई नै उदार गरी अस्पताल पठाइएको प्रवक्ता ओलीले बताए । बस अनियन्त्रित भई पहाडको भित्तामा ठोकिएर दुर्घटना भएको जिल्ला ट्राफिक प्रहरी कार्यालयले जनाएको छ ।
दुर्घटनाको विस्तृत विवरण आउन बाँकी छ ।
