दैलेख / दैलेखको दुल्लु नगरपालिका –१, स्थित दरबारे भीरमा बस दुर्घटना हुँदा एकजनाको मृत्यु भएको छ भने आठ जना घाइते छन् ।
मृत्यु हुनेमा अछामको पञ्चदेवल गाउँपालिका –९ का ७४ वर्षीय भक्तबहादुर शाही रहेका छन् । शनिबार बेलुका ८ बजे सुर्खेतबाट जुम्लातर्फ जाँदै गरेको ना६ख ९२२ नम्बरको बस अनियन्त्रित भएर भित्तामा ठोक्किँदा दुर्घटना भएको थियो ।
दुर्घटनामा घाइते भएका आठ जनालाई भने उपचारका लागि अस्पताल पठाइएको इलाका प्रहरी कार्यालय दुल्लुले जनाएको छ । बस चाल फरार रहेकाले खोजी कार्य भइरहेको प्रहरीले जनाएको छ ।
