बिर्तामोड / झापाको अर्जुनधारा नगरपालिका –२ स्थित भलेनी चोकमा मोटरसाइकल दुर्घटना हुँदा एक जनाको मृत्यु भएको छ ।
मृत्यु हुनेमा मोटरसाइकल चालक अर्जुनधारा –६ का ३० वर्षीय निरज तामाङ रहेका छन् ।
शुक्रबार बेलुका ४ बजे खुदुनाबारीदेखि शनिश्चरे आउँदै गरेको मे४ प२८१५ नम्बरको मोटरसाइकल आफै अनियन्त्रित भई कल्भर्टमा ठोकी दुर्घटना भएको हो ।
मोटरसाइकल दुर्घटनाहुँदा चालक तामाङको घटनास्थलमा नै मृत्यु भएको जिल्ला प्रहरी कार्यालय झापाले जानकारी दियो ।
