सङ्खुवासभा / खाँदबारी नगरपालिका २ चेवास्कुल छेउ भित्री सडक खण्डमा ट्याक्टर दुर्घटना हुँदा एकको मृत्यु भएको छ भने, एक घाईते भएका छन् । मृत्यु हुनेमा चालक सङ्खुवासभा खाँदबारी नगरपालिका ५ लेलुवा का मणी तामाङ रहेका छन् भने घाईते भएका सहचालक सोही स्थानका महेन्द्र तामाङको घोपा धरानमा उपचार भइहेको छ ।
बिहीवार राती चेवाबाट चारबर तर्फ जादै गरेको प्र१०२००३ त १२२४ नम्बरको खाली ट्याक्टर आफै अनियन्त्रित भई सडक देखी अन्दाजी १५ मिटर तल खसि दुर्घटना भएको थियो । घटनाको जानकारी पाए लगतै प्रहरी चौकी मानेभन्ज्याङबाट खटिएको प्रहरी टोलीले दुवै जना घाइतेलाई उपचारको लागी जिल्ला अस्पताल खाँदबारीमा पठाएको हो।
दुर्घटनाबाट गम्भिर घाईते भएका चालकको जिल्ला अस्पताल खाँदबारीमा उपचारको क्रममा राती साढे १० बजे मृत्यु भएको थियो भने घाईते सहचालकलाई थप उपचारको लागी धरान पठाइएको थियो । ट्याक्टर घटनास्थलमानै रहेकोले निकाल्न पहल भइरहेको प्रहरीले जनाएको छ ।
