रौतहट // रौतहटको चन्द्रपुरस्थित पूर्वपश्चिम राजमार्ग अन्तर्गत लमाह जङ्गलमा बाघले आक्रमण गर्दा एक व्यक्ति घाइते भएका छन्।
बिहीबार घाँस काटन गएका चन्द्रपुर- ६ का यज्ञबहादुर रायमाझी बाघको आक्रमणमा परि घाइते भएका हुन्।
रायमाझी सहित सात जनाको समुह साइकलमा दाउरा र घास लिन जाँदै गर्दा लमाह खोलाको पुलनजिकै बाटोमा बाघ देखेपछि भाग्न खोज्दा पछाडिबाट आक्रमण गरेको बताइएको छ।
बाघले आक्रमण गर्दा आफूले बन्चरो प्रहार गरी बाँच्न सफल भएको रायमाझीले बताएका छन् ।
उनको दुवै हातमा चोट लागेको र सिभिल अस्पतालमा उपचार भइरहेको बताइएको छ ।
केही महिना अघि पनि रौतहटको चन्द्रपुर नगरपालिका -६ का एक युवकको बाघको आक्रमणबाट मृत्यु भएको थियो।
४ जना घाइते भएका थिए ।
रौतहटको जङ्गलमा अझै पनि ४ वटा बयस्क बाघ रहेको पाइएको छ।
