बिर्तामाेड / झापाकाे बिर्तामोडबाट परिवेश डिजिटल मिडिया प्रालिद्वारा सञ्चालित अनलाइन पत्रिका paribeshmedia.com औपचारिकरूपमा सञ्चालनमा आएको छ ।
बिहीबार एक कार्यक्रमका बिच नेपाल पत्रकार महासंघ झापाका अध्यक्ष एकराज गिरीले अनलाइनको शुभारम्भ गरेका हुन् ।सञ्चालनमा आएको अनलाइन पत्रिकाको पत्रकार पुष्प खड्का सम्पादक र लक्ष्मी प्रसाद बाँस्कोटा प्रबन्ध निर्देशक रहेका छन् ।
अनलाइनको शुभारम्भ गर्दै अध्यक्ष गिरीले ज्ञान, सीप र प्रविधिको प्रयोगमार्फत विश्वसनीय समाचार उत्पादनमा लाग्न सुझाव दिएका छन् । उनले अनलाइन मिडियाले पत्रकारलाई स्वरोजगार बनाउँदै लगेको भन्दै झापामा थपिएका अनलाइन मिडियाले प्रदेशमा नै मिडियामा झापालाई बलियो बनाएको बताएका छन् ।
अग्रज पत्रकार लीला बरालले कुनै पनि काम सजिलो नभएको बताउँदै थालेको काममा सफल हुन सुझाव दिएका छन् । नारी सञ्चार गृहकी अध्यक्ष भीमा सिवाकोटीले संचालनमा आएको अनलाईन पत्रिका राम्रो र उत्कृष्ट हुनेमा विश्वास व्यक्त गरेकी छन् ।
सुभारम्भ कार्यक्रमलाई सम्वोधन गर्दै सामाजिक अभियन्ता खिवराज दाहालले पत्रकारितामा लामो अनुभव भएका पत्रकार खड्काको टिमले आमजनताका लागि न्याय गर्नेमा विश्वास प्रकट गरेका छन् ।
