धनकुटा / धनकुटा पाख्रिबास नगरपालिका ४ स्थित मध्यपहाडी लोकमार्गमा बा२ख ५८४० नम्बरको बसको ढोकाबाट खसेर सहचालकको मृत्यु भएको छ । मृत्यु हुनेमा भोजपुर नगरपालिका ११ का १७ वर्षीय धन बहादुर पाठक रहेका छन् ।
बुधवार दिउसो ११ बजे भोजपुरबाट धरान तर्फ आउँदै गरेको गुडिरहेको बसको ढोका खोल्ने क्रममा ढोकाबाट झरी गम्भिर घाईते भएका पाठकको जिल्ला अस्पताल धनकुटामा उपचारको क्रममा हिजो दिउसो साढे ११ बजे मृत्यु भएको हो । बस र बस चालक भोजपुर अरुण गाउपालिका ७ का ३५ वर्षीय दुर्गा बहादुर श्रेष्ठ इलाका प्रहरी कार्यालय धनकुटाको नियन्त्रणमा रहेको छ ।
घटनाको बारेमा थप अनुसन्धान भइरहेको प्रहरीले जनाएको छ ।
