इलाम / प्रहरी चौकी हर्कटे बाट खटिएको चेकिङ टोलीले इलामको सूर्योदय नगरपालिका ६ स्थित हर्कटे बजारबाट भारतीय रुपैयाँ बरामद गरेको छ । प्रहरी सहायक निरीक्षक कमान्डमा खटिएको उक्त टोलीले फिक्कल बाट झापा जादै गरेको मे १ च ६४२४ कारबाट ११ लाख भारतीय रुपैयाँ बरामद गरेको हो ।
चेकजाँच गर्ने क्रममा कारमा सवार इलाम सूर्योदय नगरपालिका १० फिक्कल बस्ने वर्ष ३५ अनुप अग्रवालको साथबाट एघार लाख रुपैयाँ भारतीय रुपैयाँ बरामद गरेको हो । प्रहरी टोलीले श्रोत नखुलेको भारु रुपैयाँ सहित अनुप अग्रवाल, कार र कार चालक सूर्योदय नगरपालिका ८ बस्ने बर्ष ५१ को कर्ण कठायत समेत नियन्त्रणमा लिएको जिल्ला प्रहरी कार्यालय इलामले जनाएको छ ।
प्रहरीले नियन्त्रणमा लिएको भारतीय रुपैयाँ, गाडीसहित पक्राउ परेका व्यक्ति इलाका प्रहरी कार्यालय पशुपतिनगरमाआवश्यक अनुसन्धान पछि कानुनी कारबाहीको लागी राजश्व अनुसन्धान कार्यालय इटहरीमा बुझाइको छ ।
