सुर्खेत / काठमाडौँबाट सुर्खेतका लागि उडान भरको बुद्ध एयरको जहाज सुर्खेत ल्यान्ड हुन नसकेपछि नेपालगञ्ज डाइभर्ट गराइएको छ ।
त्रिभुवन विमानस्थलबाट सुर्खेत आएको बुद्ध एयरको यू ४–१३३ नम्बरको जहाज कुहिरोका कारण अवतरण हुन नसकेपछि नेपालगञ्ज डाइभर्ट गरिएको बुद्ध एयरका सुर्खेत प्रमुख अनिल पन्तले जानकारी दिए।
त्रिभुवन विमानस्थलबाट ८ बजेर १ मिनेटमा सुर्खेतका लागि उडान भरेको उक्त जहाज सवा ९ बजे सुर्खेतको आकासमा तीन फन्को लगाएर नेपालगञ्ज विमानस्थल फर्काइएको थियो ।
जहाजमा चालकदलका ४ जनासहित ४६ जना यात्रु थिए।
