काठमाडौँ / कान्तिपुर पब्लिकेसन लिमिटेडद्वारा प्रकाशित कान्तिपुर दैनिकको असोज १८ गते सोमबार प्रकाशित पत्रिकामा एउटा पेज नै गायब भएको छ ।कान्तिपुर दैनिकको आज प्रकाशित पत्रिकाको १२ नम्बर पेजको साटो गत असार ८ गतेको पत्रिकाको पेज सामेल गरिएको छ ।
कान्तिपुर दैनिकले आज प्रधानन्यायाधीश चोलेन्द्र सम्शेर जबरालाई पनि मन्त्रीलाई भागबन्डा गरिएको खबर ब्यानर न्युज बनाएर प्रकाशन गरेको थियो । उक्त समाचारको बाँकी भाग पेज नम्बर १२ मा उल्लेख भएको बताइएपनि पेज नम्बर १२ मा गत असार ८ गतेको समाचार र विज्ञापन रहेको देखिएको छ ।
कान्तिपुर दैनिकको कार्यालयमा यस विषयमा प्रतिक्रिया लिन सम्पर्क गर्दा ‘सिस्टमको कारण’ यस्तो भएको फोन उठाउने अधिकारीले बताएका हुन् ।
कान्तिपुर दैनिकको ग्राहक प्रतिमा यस्तो समस्या आएपनि इन्टरनेटमा भने असोज १८ कै पेज समावेश गरिएको छ ।
