इलाम / इलामको सूर्योदय नगरपालिका –६ हर्कटे चौकबाट ११ लाख रुपैयाँ भारतीय नोट सहित प्रहरीले एक जनालाई पक्राउ गरेको छ । पक्राउ पर्नेमा इलाम सूर्योदय नगरपालिका –१० फिक्कलका ३५ वर्षीय अनुप अग्रवाल रहेका छन् ।
आइतबार बेलुका ४ बजे प्रहरी चौकी हर्कटेबाट खटिएको प्रहरी टोलीले अग्रवालले चलाएको मे १ च ६४२४ नम्बरको कारलाई चेकजाँच गर्ने क्रममा भारतीय नोटसहित उनलाई पक्राउ गरेको हो ।
पक्राउ परेका अग्रवालको साथबाट प्रहरीले २ हजार, ५ सय, २ सय र १ सयको नोट गरि ११ लाख रुपैयाँ भारतीय नोट बरामद गरेको छ । उनलाई इलाका प्रहरी कार्यालय पशुपतिनगरमा राखिएको छ ।
पक्राउ परेका अग्रवाललाई कानुनी कारबाहीको लागी आन्तरिक राजस्व कार्यालय इटहरीमा पठाउने पहल भइरहेको इलाका प्रहरी कार्यालय पशुपतिनगरले जनाएको छ ।
