काठमाडौँ / चितवनको इच्छाकामना गाउँपालिका –४ स्थित धारापानी नजिकै त्रिशूली नदीमा एक युवकको शव फेला परेको छ ।
नदीको किनारामा अन्दाजी ३० वर्षका पुरुषको शव फेला परेको जिल्ला प्रहरी कार्यालय चितवनले जनाएको छ । उनको हालसम्म सनाखत नभएको प्रहरीले जनाएको छ ।
प्रहरीले सो क्षेत्र नजिक कोही मानिस हराइरहेको भए शवको पहिचानका लागि इलाका प्रहरी कार्यालय मुग्लिनमा सम्पर्क गर्न अनुरोध गरेको छ ।
